Жүлдемен оралды

17-18 маусым күндері Қарағанды қаласында Қазақстан Республикасының Президенті Нұрсултан Әбішұлы Назарбаевтың қалауымен 18 бен 40 жас аралығындағы дәстүрлі әншілер мен күйші, термешілер қатысқан «Мен қазақпын!» атты республикалық телевизиялық байқау өтті.

Осы байқауға Жаңаарқа ауданы атымен қатысқан жерлесіміз, аймақтық, облыстық, республикалық халықаралық әншілер байқауының бірнеше мәрте жүлдегері, Ғалым Жарылғапов атындағы аграрлық колледжінің қызметкері Жаннұр Мұсылманбек жүлделі орынды иеленіп, ауданымыздың өнер сынындағы абыройын тағы да бір асқақтатты.

Еліміздің руһани жаңғыруына құдай берген дарынымен кемелді үлес қосып, жүрген талантты жас әнші әріптесімізді өнер сайысындағы тың табысымен құттықтап, сезіміне шалқар шабыт, ғұмырына бақ пен бақыт, зор абырой берекесін тілейміз!

Қалкен Смайыл

Жаңаарқа ауданы